معقووووول؟!!

السَلآمُ عَليكُم ورحَمَة الله وبَركَآتُه
صَبآحَكُم نفحَآت عِطْرَ / مسَآئكم حَبَآت مَطْرَ

يقولـون : الـزعـل بــاب التجـافـي
و انـا أقـول : العتـب بـاب التصافـي
اذا صـار الزعـل .. صـار المـفـارق
على عكس العتـب مـن قلـب صافـي
و أنـا مـره قسيـت بـحـق نفـسـي

و كانـت قسوتـي خــوف و تشـافـي
لـذا حاكـمـت نفـسـي .. و بأمـانـه
كتبـت أسمـي .. و سجلـت أعتـرآفي
و من دون أرتبـاك .. أصـدرت حكمـي
بترحيلـي الــى أقـصـى المنـافـي
رفضـت النقـض .. و انهيـت القضيـه
بـدون أثبـات .. و أعلنـت انصـرافـي
رحلت و ما عرفت أرجـع .. و صـارت
بدايـاتـي ....هي نهايـة مـطافي
أخـاف النـاس .. و أجـواء المديـنـه
و أسالـيـب التـوافـق و التـنـافـي
أعيـش و داخلـي .. ذكــرى قديـمـه
عجـزت أمضـي و أخليـهـا اخـلافـي
أنا المذكور و المنسـي .. و أنـا اللـي :
علـى وقتـه ستـار الحـزن .. ضافـي
علـى بـاب السهـر .. مـرت عيونـي
و لا نامـت .. و كـان البـاب غـافـي
بغيـت اسـأل عـن العمـر .. و تعـذر
قيـاس الوقـت الأصلـي .. و الأضافـي
عرفت وجيـه .. و قلـوب .. و ملامـح
مدابيـر .. و مسايـيـر .. و مـلافـي
و لا فاجـأنـي بـجـد .. و صدمـنـي
سـوى انـي مـا لقيـت أنسـان وافـي
تعبـت مـن أكتشـاف جـروح صـدري
و مـن صـدري بكبـره .. و أكتشافـي
ما عاد أبحث .. و لا أستفسر .. و لا أسأل
رصيدي مـن جـروح الوقـت .. كافـي
تبعت الخوف .. و أبعـدت .. و حبسنـي
ورى النسـيـان و أســوار القـوافـي
تفجـر فالضـلـوع الشـعـر .. كـنّـه
من دموعـي و انـا عروقـي مصافـي
طفولـة حلـم .. و الحـلـم أبتسـامـه
تلاشـت .. و أنتهـى الحلـم الخـرافـي
تغيـر كـل شــي .. و مــا تغـيـر
حنـيـن الطـفـل لأزهــار الفيـافـي
كبـرت .. و سـادت الـوحـده بعيـنـي
و زادت حاجـتـي لأحـسـاس دافــي
يتيم أيـام .. و أحسـاس .. و مشاعـر
منامـي الغيـم .. و انفاسـي لحـافـي
و أنا لا زلت أنـا .. مهمـا حصـل لـي
و لـو زاد أنكـسـاري .. و اختـلافـي
أنـا اللـي كـان يقـراء .. اي حـاجـه
عـشـان اتـمـره الليـلـه عـوافـي
و فجاة صرت أحـب الشعـر .. و أقـراء
دواويــن الهـويـدي .. و النصـافـي
و أخيراً .. صرت شاعـر فـي سكوتـي
قصيـدي قلبـي .. و وجهـي غـلافـي

معقـول!!

هالحين لي يوميـن .. لا أكـل و لا أنـام
..............من قلب مـا ينبـض .. و تفكيـر مشلـول
أرسم علـى الأحـلام .. و تعـوٌد أوهـام
...............و أحاول أجلي هـم .. و يصيـر مدبـول
أطبـق .. أركـان الشريعـه و الأســلام
..................و أقول: ..(مايكتـب لـي الـرب مقبـول)
والا أنـت لا مريـت فـي روس الأقـلام
..............أشق لك صدري مـن العـرض و الطـول
و أستقبـلـك مـثـل البشـايـر لــلألام
...............و أرسمك قدامي مـن الـورد .. وأقـول:
يكفيك .. بصمة قلب .. عن بصمـة أبهـام
.............للحين مـا حسيـت بالشـوق.. معقـول!!؟
يا اكبر غلا .. و أجمل طموحات و احـلام
...............يا أصدق وعد ..و اصعب نهايات و حلـول
زهمتنـي .. و الشـوق و الحـب قـداااام
............أسأل خفوقك .. ليـه جيتـه علـى طـول؟
جيته لان الحـظ .. لا طـاح .. مـا قـام
................و أنت امنية من قام حظه .. علـى أصـول
يعني أنا لـو أسبـق الريـح .. مـا انـلام
.............و اللوم .. مـا ينفـع معـه حلـم مقتـول
يا سيدي .. و ضلوع صـدري لـك خيـام
................و الروح و التفكير و الصبر .. لحـوووول
أبك أنت قاسمني يجـي .. خمسـة اقسـام
...............حتى السنه صارت بعد .. خمسـة فصـول
اقـول لامنـي لقيـتـك .. كــذا عــام
..............مرت علـى قلبـي وهـو شبـه مفصـول
و اليوم أنا لك .. و المشاعـر .. و الايـام
..............هذا أعترافي .. و انت قل لـي وش تقـول؟
أسمك و رقمك .. غير الاسمـا و الارقـام
..............و أحساسك الاعذب معي صار .. مشغـول
الارض .. تقطعهـا مسـافـات الأقــدام
................لو فوق الأرض جبال .. و تلال .. و حمول
و لو يمسـح الدمعـات .. منديـل الأيتـام
.............مسحت قلبـي .. بأقـرب أنسـان مجمـول
و لكن الصدفـه! .. مـن اعـوام لأعـوام
...............يامـا تضـم قلـوب .. و تفـرٌق عقـول
فأن شفت بـاب القلـب .. مقفـول بأحكـام
...............تـراك فيـه .. و فعـلاً البـاب مقـفـول
أبعشقك .. و اهواك .. حتـى لـو انضـاام
...............خطاااي .. و أستاااهل .. و انا عنه مسؤول

أمطرت فالشوارع .. و أرجهن السحاب
و أمطر الدمع فيني .. لين دمعي ضفا
ما بقالي كلام .. و ما بقالي عتاب
ما بقا لك بقلبي غير كلمة .. ( أفا )
أمس فكري تشتت بين .. باب و جواب
يوم وجهي حزين .. و نور قلبي طفا
شق صدري غيابك .. يا كثير الغياب
و انت لا جيت صوبي .. جيت كلي حفا
كنت اظن الكرامه من كريم الجناب
مثل رد الوفا لا جا من .. اهل الوفا
و أثر مالك مقام .. و مالقلبك حساب
هبت الريح فيك .. و كل سافي سفا
جندوك ( الثعالب ) .. و أخضعوك ( الكلاب )
و أكثر الظن بان .. و كل شي ٍ خفا
و أنت راضي .. و فاتح للزمان الف باب
باب ( هذا يروح ) .. و باب ( هذا لفا )
لايقين لبعضكم .. يالقلوب الهباب
بين ( شذاب ساق ) .. و بين ( راعي قفا )
لا تظن السلامه و أبتعادي .. أكتئاب
دام عندي مبادي .. جعل عمري جفا
المشاعر .. تبٌدل مثل بعض الثياب
و الرفيق يتبٌدل دام ( راسه ) هفا
و الطريق ان مشيته .. باتجاه الذهاب
واضح الصدق فيه .. و مايهم أن نفا

يسلموا على الموضوع المميز معقووووول؟!! 3891395300

موضوع: رد: معقووووول؟!! السبت مارس 03, 2012 4:14 pm

موضوع: رد: معقووووول؟!! الأحد مارس 04, 2012 12:28 pm

موضوع: رد: معقووووول؟!! السبت مايو 26, 2012 10:26 pm

تسلمي

» موت امى ولا دمعة حبيبى .... معقووووول ؟؟؟؟؟؟؟