القيمات المقرمشة

مساكم الله بالخير...

بدون مقدمات..طبعا حرب اللقيمات عظيمه في كل بيت <<تشرب زيت مليانه عجين ولينه وكثير نواجهها

طبعا الي طلع من راسي نتائج 4 سنوات مضت والحمد لله نجحت معاي بشكل يفوق الخيال لدرجة كل من اكل منها

ينجن عليها وياخذون الطريقه،،قلت انزل الطريقه وعليكم التجربه وياليت كل وحده جربتها تقول رايها..

المقادير:

إضغط على الصورة لتكبيرها ... أبعاد الصورة الأصلية 600x450 وحجمها 34 كيلو بايت .

2 كاس دقيق ابيض<<تجنبي الكويتي لانه ماينجح راح يخليها لينه وتشرب زيت وعن تجربه

بيالة زيت نباتي

بيالة سميد مايكون خشن ولا ناعم مره وسط

بيضه + نصف علبة زبادي + 2 ملعقه صغيره خميره فوريه + رشة ملح

1 كاس كبير مويه <<نفس مقاس كاس الدقيق الي بالصوره + وتزيدين على الكاس اقل من ربع الكاس اضافي

يعني يصير كاس كامل + اقل من الربع الكاس الثاني مويه<<ياعيني ع الشرح

الطريقه:

إضغط على الصورة لتكبيرها ... أبعاد الصورة الأصلية 600x450 وحجمها 24 كيلو بايت .

في العجانه ضعي الدقيق والخميره والملح والسميد والزيت واتركيه يخلط ع الجاف لمدة 3 دقايق لحد مايتجانس الزيت

مع الدقيق..

بعد ذالك ضعي البيضه ونصف علبة الزبادي والماء وشغلي العجانه واتركيها 5 دقائق مع ملاحظة ان العجينه بتكون

اسمك من الكيك..ومن ثم قفلي العجانه وغطيها بكيس حتى مايجف العجين ...

إضغط على الصورة لتكبيرها ... أبعاد الصورة الأصلية 600x450 وحجمها 25 كيلو بايت .

واتركيه لمدة ربع ساعه ومن ثم عاودي تشغيل العجانه لمدة دقيقه فقط....ومن ثم غطيها واتركيها..

وبعد ربع ساعه ثانيه شغليها وبعدين غطيها وهكذا كل ربع ساعه تشغلينها دقيقه ومن ثم تقفليها واحسبي ساعتين فقط

طبعا راح يكون خلال الساعتين شغلتيها 8 مرات..

وبعدين سخني الزيت ويكون غزير ع نار وسط<<لايكون هادئ ولا قوي...وبعدين جربي حرارة الزيت لانها مهمه المرحله

هذي يعني لو حرارته مو مره راح تخرب عليك...طريقة اختبار الزيت هي انك تاخذي كميه من العجين بيدك الشمال

وملعقه صغيره باليد اليمين وتكبسي يدك الشمال بين الابهام والسبابه وتاخذي بالملعقه وترميها بالزيت لو طفت ع طول الحبه

معناتها تمام تواصلين شغلك...لكن لو ماطفت وطولت وهي في القاع هذا يعني ان الزيت يبي له وقت يسخن..

شكلي اللقيمات ويفضل بسرعه من دون تقليب لمن تعبي القدر لقيمات بعدين قلبيه باحتراس وبشكل متواصل من دون توقف حتى تتشقر بنفس الدرجه من
كل الجوانب وحتى تكسب القرمشه المطلوبه..

وبعدين انشليه ع ورق ماص وواصلي لحد ماتنتهين..

إضغط على الصورة لتكبيرها ... أبعاد الصورة الأصلية 600x450 وحجمها 33 كيلو بايت .

وبعدين ترش بالعسل<<لايفضل الشيره لانها بتلينه

وتقدم فورا..

الشكل النهائي،،،

إضغط على الصورة لتكبيرها ... أبعاد الصورة الأصلية 600x450 وحجمها 34 كيلو بايت .

وبالعافيه عليكم...

ملاحظه:

لمن تنشلي اللقيمات وتحطيها بصحن عليه مناديل لاتركبين اللقيمات فوق بعضها لاا خليها متفرقه حتى لاتلين ...

جربوا الطريقه يابنات صدقوني ماراح تندمون...وانا حاضره لاي استفسار

اها حللللللو الطبخة

اااا احناا بعض الاحياااان نعملهااا بحبهااا كتيرر

يسلمووو طيووووووووووووووفة